O CD Lugo xogará 3 encontros fronte o Coruxo en tres semanas

O encontro suspendido a semana pasada entre o CD Lugo e Coruxo CF disputarase o vindeiro mércores 9 de novembro. A hora fixada para o encontro é as 20.30, segundo informou a entidade albivermella no seu twitter oficial.

Casualidades da vida, o sorteo dos dezaseisavos de final da Copa Federación celebrado este mércores na sede da RFEF nas Rozas, en Madrid, emparellou ó CD Lugo co Coruxo FC. O xoves 24 de novembro os lucenses xogarán no Vao, e o día un de decembro disputarase o encontro de volta no Anxo Carro.

O CD Lugo comezou este mércores a preparar o encontro da vindeira fin de semana ante o Xetafe B (domingo ás 16.00 h.) logo do parón vivido dende o venres pasado por mor da gastroenterite colectiva que sufriu boa parte doplantel lucense.

Segundo El Progreso, “só Belencoso e Liru” se libraron da enfermidade e “a maioría dos xogadores perderon entre 1 e 2 kilos”, o que fará variar o plan de traballo semanal do equipo.